Қазақстан құрамасы маунтинбайктан Қытайдың Гуйчжоу қаласында өтіп жатқан Азия чемпионатын сәтті бастады.
Қазақстан намысын қорғап шыққан спортшылар құрлықтық біріншілікте күміс медаль жеңіп алды, деп хабарлайды aqshamnews.kz.
Эстафета жарысында Қазақстан командасы жеңіс тұғырының екінші сатысына көтерілді. Бұл сында ел намысын Богдан Лухманов, Виолетта Казакова, Алексей Фефелов, Денис Сергиенко, Юлия Ли және Алина Карасева қорғады.
Бірінші орынды Қытай құрамасы иеленсе, Үндістан командасы қола медальға қол жеткізді.