7 млрд теңгелік мұраның тізімі шықты.
Александр Машкевичтің мұрагерлеріне тиесілі АҚШ-тағы миллиардтаған ақша тұратын мүлік туралы деректер жарияланды, деп хабарлайды aqshamnews.kz
Telegram-дағы "Выход к морю" арнасының мәліметінше, Eurasian Resources Group-тың марқұм атқарушы иелерінің бірі Александр Машкевичтің мұрагерлеріне тиесілі компаниялар Майамидегі аралда 7 миллиард теңгелік жылжымайтын мүлікке ие. Олардың көршілері қатарында әлемдік жұлдыздар мен ресейлік олигархтар бар.
Майами-Дейд округі әкімшілігінің деректеріне сүйенсек, Фишер-Айленд аралында 40 елден 700-ге жуық отбасы жылжымайтын мүлік иелері ретінде тіркелген. Аралдың танымал тұрғындары қатарында Джулия Робертс, Опра Уинфри, Мел Брукс, сондай-ақ ресейлік миллиардерлер Виктор Вексельберг пен Араз Агаларов, сондай-ақ жұмбақ жағдайда көз жұмған грузиялық кәсіпкер Бадри Патаркацишвилидің туыстары бар.
Ақпарат көзінің мәліметінше, марқұм олигархтың қызы Анна бұл жерде бірден үш компанияны басқарады – Alm Florida Property Inc, Alm Florida Property II Inc және Alm Florida Property III Inc. Бұл компаниялардың түпкілікті бенефициарлары ретінде Люксембургте тіркелген заңды тұлға арқылы Александр Машкевич пен оның жұбайы Лариса көрсетілген. Олар 13, Fisher Island Drive мекенжайындағы кондоминиумда екі пәтерге ие. Олардың бірі (шын мәнінде, бір кеңістікке біріктірілген екі апартамент) 2008 жылы поляк кәсіпкері Рышард Краузеден 3,5 миллион долларға сатып алынған, қазіргі бағасы – 9,5 миллион доллар.
Осы үйдегі тағы бір Машкевичтерге тиесілі пәтердің құны – 3,5 миллион доллар, алайда ауданы алдыңғысынан екі есе кіші. Сондай-ақ отбасының яхта айлағының дәл жанында, 40207 Fisher Island Drive мекенжайында орналасқан шағын пәтері бар. Аумағы небәрі 50 м² болатын бұл баспана 1 миллион долларға бағаланып отыр.
Бүгінгі таңда Машкевичтердің аралдағы жылжымайтын мүлкінің жалпы құны шамамен 14 миллион долларды немесе 7 миллиард теңгеден асады.