Қуаңшылықтан зардап шеккен өңірлерде жем-шөп бағасын арзандату мақсатында Үкімет резервінен 3 млрд 600 млн теңге бөлінгені белгілі, деп хабарлайды almaty-akshamy.kz «Хабар 24» сілтеме жасап.
Қаржылай көмек Маңғыстаудағы шаруа қожалықтарына беріле бастағанын айттық. Ал қызылордалық фермерлер материалдық жәрдемді 20 тамызда ала бастайды. «Азық-түлік келісімшарт корпорациясы» тарапынан нарықтағы бағадан 17% төмен 1 мың 700 тонна арпа сатылды. Мал азығын теміржолмен тасымалдау үшін 77% дейін төмендетілген тарифтер тамыз аяғына дейін сақталады.
Сондай-ақ өңірлерге жем-шөп дайындау үшін қосымша 44 мың 200 тонна арзандатылған дизель отыны бөлініп, шаруаларға таратылып жатыр.