«Арсенал» – «Қайрат» матчінің билеттері 30–50 мың теңге аралығында сатылып жатыр, - деп хабарлайды Aqshamnews.kz тілшісі.
Лондонның «Арсеналы» мен қазақстандық «Қайрат» арасындағы УЕФА Чемпиондар лигасы матчінің билеттер бағасы жарияланды. Ойын 2026 жылдың 29 қаңтарында «Эмирейтс» стадионында, топтық кезеңнің сегізінші туры аясында өтеді.
Клубтың ресми сайтындағы мәліметке сәйкес, билет құны 44,8–84 фунт стерлинг аралығында, бұл шамамен 30–50 мың теңге.
Қазіргі уақытта «Арсенал» Чемпиондар лигасы турнирлік кестесінің жоғарғы бөлігінде 12 ұпаймен көш бастап келеді. Ал «Қайрат» небәрі 1 ұпай жинап, 34-орында тұр.