Астанада ауа райының күрт жылынуына байланысты Есіл өзенінің жағалауында орналасқан мұз айдындары мен сырғанақтардың жұмысы уақытша тоқтатылды, деп хабарлайды Aqshamnews.kz тілшісі.
Қала әкімдігінің баспасөз қызметінің мәліметінше, қардың еруіне байланысты Есіл жағалауындағы мұз айдындары мен сырғанақтар Жаңа жыл мерекесі күндері келушілерді қабылдамайды.
Ал Төтенше жағдайлар департаменті өзендегі мұз қалыңдығы кей жерлерде 22 сантиметрге дейін, ал жекелеген аумақтарда 35–37 сантиметрге жететінін хабарлады. Осыған байланысты мамандар күн жылынған кезеңде өзен бетімен жүруден бас тартуға шақырады.