Бүгін таңертең Кемероводағы Логовая тас жолында орын алған ауыр апат салдарынан 67 адам жарақат алды. Кемероводан түсірілген кадрларда трамвайдың қатты жылдамдықпен бұрылып, есіктері құлап, бірнеше жолаушы жолға шығып кеткенін көруге болады, деп хабарлайды almaty-akshamy.kz
Таңғы сағат 07:30 шамасында Логовая тас жолында жүрген №10 трамвай тежегіш жүйесінің істен шығуына байланысты шамамен 80 км/сағ жылдамдықпен жоғарыдан төмен құлдилаған. Трамвайдың жоғары жылдамдығы салдарынан ішіндегі және есік алдында тұрған жолаушылар жолға ұшып кетті.
Алғашқыда 15 адамның жарақат алғаны туралы хабарланған. Алайда, шамамен бір сағат өткен соң, таңғы сағат 9-дар шамасында, ҚЕТК баспасөз қызметі мен қаланың барлық жедел қызметтері оқиға орнынан 30 адам, оның ішінде трамвай жүргізушісі де ауруханаға жеткізілгенін мәлімдеді.
Апаттан зардап шеккендердің саны уақыт өте келе өсе түсті. Қазіргі уақытта жарақат алғандардың саны 67 адамға жетті. Абырой болғанда өлім-жітім тіркелген жоқ.
Оқиға орнына келген жедел қызметтер мен құқық қорғау органдары апаттың себептерін анықтау үшін тергеу жұмыстарын бастаған. Алдын ала болжам бойынша, тежегіш жүйесінің істен шығуы апатқа басты себеп болған.