Кейінгі үш жылда Қазақстанның қауіпті өндірістік объектілерінде ондаған техногендік апат болып, ең көп оқиға тау-кен саласына тиесілі болып отыр, деп хабарлайды Aqshamnews.kz тілшісі.
Төтенше жағдайлар вице-министрі Ерболат Садырбаевтың айтуынша, тау-кен саласында -14, газ шаруашылығында - 10, көтергіш құрылғыларға қатысты – 11 рет апат болған.
«Төтенше жағдайлар министрлігі әуе апаттарының алдын алу және қауіпсіздік мәдениетін күшейтуге бағытталған құқықтық базаны жүйелі түрде жаңартуды жүргізіп келеді. Өнеркәсіп қауіпсіздігі саласы жалпы мемлекеттік бақылау мен қадағалау аясында шамамен 10 өнеркәсіптік субъектіні және 200 мыңнан астам қауіпті өндірістік объектіні қамтиды», - деді министр.
Объектілердің негізгі бағыттары:
- Көмір саласы - 11 939;
- Тау-кен саласы - 18 407;
- Металлургия - 9 077;
- Мұнай-химия және мұнай өңдеу - 20 468;
- Мұнай-газ өндіру - 71 158;
- Қазандық шаруашылығы - 17 484;
- Көтергіш құрылғылар - 26 000;
- Атом энергиясын пайдалану - 10 828.
Министр Қазақстан Республикасында өнеркәсіптік қауіпсіздік саласын реттейтін салалық заңнама тікелей қабылданып, қолдануға енгізілгенін атап өтті.