Рамазан-қайырымдылық пен сауапты істердің айы.
Отыз күн оразада жақсылық жасауға жарысатын азаматтардың қарасы жыл өткен сайын көбейіп келе жатқаны қуантады.
Айлардың сұлтанында белгілі кәсіпкер, бизнес тренер Аманжол Рысмендиев пен қаржыгер және трейдинг үйретуші ұстаз Алия Бөлек Алматыдағы әлеуметтік аз қамтылған 70 отбасыға рамазан сыйын жасады.
Мұқтаж жанұялардың тізімі мешіттерден алынды. 20 дан астам қой құрбандыққа шалынып, қажетті азық-түлік себетімен аталған шаңырақтарға жеткізілді.
Айта кетейік, Аманжол Рысмендиев қазір жұмыс бабымен Америкада тұрып жатқанмен, елдегі қайырымдылық шараларын тоқтатқан емес.