Ұлылардың, өнердің, мәдениеттің ордасы.
Қала күні естеліктер мен Алматыға айтылған жылы лебіздер толастар емес. Қазақстанның еңбек сіңірген қайраткері Қарагөз Сүлейменова да өзінің жылы лебізін білдірді, деп хабарлайды Аlmaty-akshamy.kz.
Қарагөз Сүлейменова Алматы жастығының, әдемі естеліктерінің куәсі екенін бөлісті.
«Жастығымыздың, ең әдемі естеліктеріміздің қаласы», - деді ол.
Алматының табиғатын ерекше жақсы көретінін, осында өсіп-өніп жатқанын қуанышпен жеткізді.
«Алматымызда өсіп-өніп, балаларымыз, немерелеріміз ғұмыр кешіп жатыр. Әсем табиғаты, мейірімді халқы, ғажайып атмосферасы бар сұлу қала! Ұлылардың, өнердің, мәдениеттің ордасы. Туған қаламыздың мерекесі құтты болсын, алматылықтар», - деп жазды Қазақстанның еңбек сіңірген қайраткері инстаграмдағы өзінің парақшасында.
