Қазақстандық танымал кәсіпқой боксшы, қазіргі ҰОК басшысы Геннадий Головкиннің физикалық даярлығына көмектескен мамандар Кристофер мен Дарио Камачолар Қазақстанға келді, деп хабарлайды aqshamnews.kz.
Америкалық білікті мамандар Алматы тауларында жүрген суреттерін әлеуметтік желіде бөлісті. Одан қалды Геннадийдың егізі Максиммен де кездесіп үлгерген.
Спорт комментаторы Уәлихан Қосанбайдың айтуынша, олар бұдан былай бокстан Қазақстан құрамасының физикалық дайындығына жауапты болады. Камачо Головкиннен бөлек отандық бірқатар боксшымен де жұмыс істеген.
Сонымен қатар UFC спортшылары Хабиб Нурмагомедов, Кейн Веласкес, Даниэль Кормье, Люк Рокхолд пен Брэндон Адамс секілді мықтыларға көмектескен.