Футболдан 2024 жылғы Еуропа чемпионатының 1/8 финалында Франция Бельгияны 1:0 есебімен жеңді, деп хабарлайды аlmaty-akshamy.kz.
Осылайша Дидье Дешам шәкірттері ширек финалға шығып отыр. Аталған матчтың 85-минутына дейін есеп ашылмады. Тек кездесудің соңғы жағында Франция командасы белсенді қимылының арқасында көздегендеріне жетті. Атап айтқанда, Кола Муанидің тепкен добы бельгиялық қорғаушы Ян Вертонгенге тиіп, қақпаға дарыды. Бұдан кейін есеп өзгермеді.
Жалпы, Еуропа чемпионаты басталғалы бері Франция 4 ойында 3 гол салып, ширек финалға шықты. Ол 3 голдың екеуі автогол біреуі пенальтиден соғылды.
Енді Дешам шәкірттері Португалиямен кездесетін болады.