Футболдан Қазақстан құрамасының бас бапкері Станислав Черчесов Норвегиямен болатын матч алдында баспасөз мәслихатын өткізіп, журналистер сауалына жауап берді.
Ресейлік маман Қазақстан ұлттық құрамасының алдында нақты міндет бар екенін жеткізді, деп хабарлайды aqshamnews.kz.
«Біздің алдымызда нақты міндет бар: ертең Норвегия құрамасымен өтетін бірінші ойынға дайындалу. Мен дайындық барысында клубтармен және ойыншылармен белсенді араласып, олардың формасы мен жаттығу барысын бақылап отырамын. Кімнің жақсы формада екенін анықтау үшін 25 футболшыны шақырдым, оның ішінде ойын деңгейі қандай жоғары екенін білетін тәжірибелі ойыншылар да бар. Бұл біздің бірінші басқосуымыз. Өкінішке қарай, таныстыру жиынын өткізе алмадық, сондықтан қолымызда бармен жұмыс істеп жатырмыз. Мақсат – максималды нәтижеге жету. Біз енді С лигасында емес, В лигасындамыз, ал қағаз жүзінде қарсыластар бізден мықтырақ, мұны мойындауымыз керек. Ертең бірінші әрі маңызды ойын. Біз бәрін басынан бастаймыз және Ұлттар лигасы арқылы әлем чемпионатының іріктеу кезеңіне дайындалуға бар күшімізді саламыз», - деді Черчесов.
Айта кетейік, Қазақстан мен Норвегия арасындағы ойын 6 қыркүйекте Алматыдағы «Орталық стадионда» УЕФА Ұлттар лигасының топтық кезеңі аясында өтеді.