Осы күзде әскерге 20 мыңнан астам шақырылушы баруы керек.
Қорғаныс министрлігі күзгі әскерге шақыру кезінде жастарды көшеден күштеп әкетпейтінін айтты, деп хабарлайды aqshamnews.kz
Әскери басшылықтың мәліметінше, бұл жолы мерзімді қызмет құрамы неғұрлым өркениетті тәсілмен жасақталады. Қазір әкімдердің идеология жөніндегі орынбасарлары жастарды тәрбиелеп жатыр. Алғашқы әскери дайындық пәні бойынша мұғалімдермен тығыз ынтымақтастық орнатылды. Осы күзде әскерге 20 мыңнан астам шақырылушылар баруы керек дейді.
Әскерилердің айтуынша, қарулы күштегі қайғылы оқиғалар әскерге шақыру қарқынына әсер етпеген. Сөздерінше, жастар әскери комиссариаттарға өздері келеді. Тіпті қызметтен жалтарғандардың өзі профилактикалық жұмыстан кейін әскерге өз еркімен барады екен.