Максимова Вера Иннокентьевна 40 жылдық тәжірибесі бар білікті маман, су ресурстарын реттеу және қорғау саласында 28 жыл жұмыс істейді.
Еңбек жолын Бурят АССР Су шаруашылығы министрлігінің Иволга гидромелиорациялық техникумында лаборант болып бастады, деп хабарлайды aqshamnews.kz.
С.М.Киров атындағы Омбы ауыл шаруашылығы институтындағы «гидромелиорация» мамандығы бойынша оқуды сәтті аяқтап, инженер-гидротехник біліктілігі берілді.
Бурят АССР Мелиорация және су шаруашылығы министрлігінің жобалау тобының инженері болып еңбек жолын жалғастырды.
1983 жылы Есіл бассейндік инспекциясына инженер болып қабылданып, жетекші инженер, аға инженер және Петропавл бөлімінің бастығы болып қызмет атқарды.
1999 жылдан бастап 2008 жылға дейін Қазақстан Республикасы Ауыл шаруашылығы министрлігінің Су ресурстары комитеті Есіл бассейндік су шаруашылығы басқармасының су ресурстарын мемлекеттік есепке алу және кадастры мониторингі бөлімінің бас маманы болып жұмыс істеді.
Сондай-ақ Вера Иннокентьевна халықаралық және мемлекетаралық конференциялар мен отырыстарға қатысып, трансшекаралық өзендер бойынша жұмыс тобының құрамында болды.
Өз жұмысында үздік нәтиже көрсете отырып, аймақтың су шаруашылығының дамуына айтарлықтай үлес қосқан қызметкер.
2024 жылы «Су шаруашылығының ардагері» белгісімен марапатталды.