Ол 12 шілдеде отставкаға кету туралы өтінішке қол қойып, елден кеткен болатын.
Қызметінен кеткен Шри-Ланканың экс-президенті Готабая Раджапаксаға Сингапур пана беретін болды, деп хабарлайды Almaty-akshamy.kz Inbusiness.kz сілтеме жасап.
Еске сала кетсек, 9 шілдеде елді үкіметке қарсы ауқымды наразылық шаралары шарпыды. Ереуілшілер Шри-Ланка билігінің ресми түрде отставкаға кетуін талап етуде. Жүздеген демонстрант баррикадалардан өтіп, экс-президент Готабая Раджапакстың резиденциясы мен кеңсесіне баса-көктеп кірген болатын.
Сәуір айында Шри-Ланка экономикалық дағдарысқа тап болды. Коронавирустық пандемия салдарынан елге келетін туристердің саны азайып, шетел валютасының тапшылығы орнады. Шри-Ланка отынды сатып алу үшін төлем жүргізе алмай қалды. Сондай-ақ қажетті тауарларды импорттау үшін валютасы таусылғаннан кейін, 51 миллиард долларлық сыртқы қарыз бойынша дефолт жариялаған еді.