Астанада ашылған Ковентри университетінің кампусы биыл 400 студент қабылдауға дайын.
Енді талапкерлер елден шықпай-ақ шетелдік жоғары оқу орнында білім ала алады, деп хабарлайды Almaty-akshamy.kz
Университет биыл 400 жасты қабылдауға дайын. Мұндағы басты талап – ағылшын тілін жетік білсе болғаны. Оқуға түсуге талаптанған студенттерге бизнес, информатика және педагогика пәндері оқытылады.
Студенттерге тәлім беретін оқытушылар халықаралық деңгейдегі білікті мамандар.
"Ковентри университеті Астанада кампус ашады, өйткені қазір Қазақстан мен Орталық Азияда сапалы жоғары білімге сұраныс бар. Бұл үкіметтің білім беру жүйесін жаңғырту, инновациялық технологиялар мен зерттеулерді ілгерілету және азаматтарды жаһандану әлеміндегі өмірге дайындау мақсатына сәйкес келеді", - дейді Қазақстандағы "Ковентри" университетінің даму және пайдалану бөлімінің директоры Тайра Наваз.