Алматы облысында бірінші атом электр станциясын салу бойынша тиісті келісімдерге қол қойылады.
Олжас Бектеновтің айтуынша, екінші және үшінші атом электр станциясы құрылысының ықтимал орындарын анықтау үшін өңірлерді талдау жұмыстары аяқталуға жақын, деп хабарлайды aqshamnews.kz
"Қазақстанда екінші атом электр станциясы референдум арқылы салына ма?" деген сұраққа үкіметтің баспасөз орталығында энергетика министрі Алмасадам Сәтқалиев: «Қажеті жоқ. Тиісті заңнамаға сәйкес аталған атом электр станциясы үкіметтің шешімімен салынады», – деп жауап берді.
Қасым-Жомарт Тоқаев Астанадағы Жобалық кеңсенің қызметімен танысу барысында атом энергетикасын дамыту перспективасына да тоқталып, Қазақстандағы АЭС саны үшеу болуы да мүмкін екенін мәлімдеген еді. Еске сала кетсек, жуырда Франция Қазақстанға атом электр станциясын салуға дайын екенін мәлімдеді.