Шығыс полиорталығы айрықша назарға алынды, – деп хабарлайды aqshamnews.kz тілшісі.
Шаһар басшысының полиорталықтарды дамыту мәселесі бойынша өткізген кеңесінде жаңа қоғамдық және мәдени кеңістікті қалыптастыруға бағытталған жобалар мен бастамалар қарастырылды.
Шығыс полиорталығында Creative & IT Hub, конференц-зал, коворкинг, коммерциялық және тұрғын үй нысандарын салуды көздейтін интерактивті кластер жобасын қарастырылады. Мұндағы негізгі нысандардың бірі жаңа мешіт болмақ. Оның айналасында қала тұрғындары үшін тартымды орынға айналатын қоғамдық кеңістік қалыптастыру жоспарланған.
Құрылыс тығыздығын азайтуды және ғимараттардың қасбетін бірыңғай сәулеттік келбетке келтіруді ескере отырып, жобаны пысықтау тапсырылды. Қалалық ортаны кешенді дамытуға және оның сапасын арттыруға ерекше көңіл бөле отырып, полиорталықтарды дамыту жұмыстары жүйелі түрде жалғасады.