Павел Дуров мұрасын 100-ден астам баласына қалдырмақ, деп хабарлайды aqshamnews.kz
Telegram мессенджерінің негізін қалаушы өсиет жазып қойғанын мәлімдеді.
Дуровтың байлығы 17,1 миллиард долларға (8 триллион 874 миллиард теңге) бағаланады. Егер ол қайтыс болса, қаражат оның балалары арасында бөлінеді. Оның балаларының алтауы табиғи жолмен, жүзден астамы шәует донорлығы арқылы өмірге келген.
Дуров әр баласы мұрадан тең үлес алатынын нақтылады. Егер 106 мұрагер болса, әрқайсысына шамамен 160 миллион доллардан беріледі екен. Балалар қаражатты 30 жылдан кейін ала алады.