2022 жылы доллардың орташа бағамы 455-470 теңге аралығында болады
Экономика ғылымдарының докторы, ҚР Президенті жанындағы Қазақстандық стратегиялық зерттеулер институтының бас ғылыми қызметкері Вячеслав Додонов осындай пікірде, деп хабарлайды Аlmaty-akshamy.kz
Бұл келер жылы мұнай бағасы тағы төмендейді деген болжамға негізделген. Ал Қазақстан қаржыгерлер қауымдастығының сауалнама нәтижелеріне сай, келер жылы доллар 445 теңгеге дейін қымбаттауы мүмкін.
Қауымдастық келесі сауалнамада ұлттық валюта бағамын қайта қарайтынын айтты. Оған ковидтің жаңа штамының таралуы бәсеңдеп, Ресейге қарсы санкциялық тәуекелдердің төмендеуі әсер етеді дейді мамандар. Экономистер мен қаржыгерлердің болжамын Курсив басылымы ұсынды.
Ал Еуразиялық даму банкінің сарапшылары доллар бағамы 434 теңге төңірегінде болады деп болжап отыр. Дегенмен, АҚШ валютасының нығаюы мен қара алтын құнынынң қалай құбылатыны біздің ұлтттық валютаға ықпал етпей қоймайтыны белгілі. Сондықтан келер жылы теңге-доллар жұбы нақты қандай көрсеткішке жететінін қазір дөп басып айту қиын.