Алматы қаласы Жастар саясаты басқармасының тапсырысы аясында «Қазақстан еріктілер лигасы» қоғамдық қоры қаланың жоғарғы оқу орындары мен кәсіптік және техникалық білім беру орындарының студенттеріне арнап, Мемлекеттік және орыс тіліндегі дебат қозғалысын дамыту бойынша жобаны жүзеге асыруды бастады.
Жоба аясында қалалық дебат орталығы ашылып, дебат клубтарына қолдау көрсетіледі. Бұнымен қоса, әртүрлі бағалы сыйлықтар ойнатылатын дебат турнирлері, ораторлық және дебат ойындары бойынша шеберлік сағаттары ұйымдастырылады және ЖОО мен КжТББ мекемелерімен меморандумға отырып, әлеуметтік, тәрбие жұмысы жөніндегі проректорлармен жұмыс атқарылады.
Аталмыш жоба барысында шетелдік дебатерлармен тәжірибе алмасу, шеберлік сағаттары мен турнирлерді де ұйымдастырылуы күтілуде. ҚР Рәміздерінің 30 жылдығына орай ұйымдастыралатын дебат турнирінің ашылу салтанатына Ғылым және жоғарғы білім вице-министрі, Елбасы академиясының директоры мен Ұлттық дебат федерациясы президентінің қатысуы күтілуде.
Шеберлік сағатарынз осы саланың білікті мамандары мен ҚР Президенті жанындағы Мемлекеттік басқару академиясының, әртүрлі ораторлық шеберлікке, көпшілік алдында сөйлеуге үйрететін тренерлер өткізеді. Жоба нәтижесінде қаламыздың дебат клубтары жоқ ЖОО-дары мен КжТББ мекемелерінде клубтар ашылып, қала бойынша 6000-нан аса студенттер қамтылып, америкалық парламенттік және британдық парламенттік дебат дамып, сөз саптауы, сыни ойлау қабілеті артып, тұлғалық тұрғыда дами түседі.