Мемлекет басшысының тапсырмасына сәйкес су тасқынынан зардап шеккен Батыс Қазақстан облысының тұрғындарына қажетті көмек көрсетілуде, деп хабарлайды almaty-akshamy.kz
Орал қаласында су тасқынынан жалғыз баспанасы жарамсыз деп танылған тағы 65 саяжай тұрғыны баспаналы болды.
Жаңа пәтерлер демеушілік қаражатқа сатып алынды.
Тұрғын үйлердің кілтін табыстау рәсіміне Батыс Қазақстан облысының әкімі Нариман Төреғалиев қатысты. Ол жаңа қоныстанушыларды құттықтап, облыста су тасқынынан зардап шеккен тағы да басқа азаматтар үшін 775 тұрғын үйдің салынып жатқанын мәлімдеді.