Қазақстан футбол федерациясы бас жаттықтырушы Станислав Черчесовпен сөйлескенін мәлім етті. Оған 200 айлық есептік көрсеткіш (738 мың 400 теңге) көлемінде айыппұл салынды, деп хабарлайды aqshamnews.kz.
Футбол федерациясының президенті Әділет Барменқұлов: «Біз қателіктер бар екенін айтып, журналистермен кеше сөйлескен болатынбыз. Черчесовтың әзілдері, әрине, шектен шығу. Мен онымен жеке сөйлестім, мемлекеттік тілдің маңыздылығын түсіндірдім. Біз онымен жұмыстар жүргіздік. Оған айыппұл салынды», — деді.
Бұған дейін әлеуметтік желіде жаттықтырушының қазақ тілін қорлайтын сөздері айтылған видео жарияланған. Бұл оқиға қоғамда үлкен резонанс тудырды, ал спорт және туризм министрлігі федерациядан түсініктеме талап етті.
КФФ Черчесовтың сөздерін сол кезде сұрақ қойған журналист «Пари Сен-Жермен» футбол клубының формасын киіп келгенімен түсіндірген болатын.
Станислав Черчесовтың әзілінен кейін болған бұл оқиға, мемлекеттік тілдің мәртебесі мен қоғамдағы мәдениеттілікті сақтау қажеттілігін тағы да көрсетті. Жаттықтырушының жауапкершілігі мен мемлекеттік тілге құрмет көрсетуі қазіргі заманда аса маңызды болып табылады.