AqshamNews.kz - "Алматы-ақшамы" қоғамдық-саяси газеті AqshamNews.kz - "Алматы-ақшамы" қоғамдық-саяси газеті
  • Басты бет
  • Құрылтай
  • Барлығы
    • Ресми бөлім
    • Спорт
    • Керек кеңес
    • Медицина
    • Білім және ғылым
    • Заң мен тəртіп
    • Оқиға
    • Не? Қайда? Қашан?
    • Эксклюзив
    • Алматы көшелері
    • Жолдау
    • Келешек мектептері
    • Сыбайлас жемқорлыққа қарсы күрес
  • Жаңа Конституция
Қазақ Qazaq قازاق Русский
Қазақ Qazaq قازاق Русский
AqshamNews.kz - "Алматы-ақшамы" қоғамдық-саяси газеті
  • 🏠 Басты бет
  • Құрылтай
  • Барлығы
    • • Ресми бөлім
    • • Спорт
    • • Керек кеңес
    • • Медицина
    • • Білім және ғылым
    • • Заң мен тəртіп
    • • Оқиға
    • • Не? Қайда? Қашан?
    • • Эксклюзив
    • • Алматы көшелері
    • • Жолдау
    • • Келешек мектептері
    • • Сыбайлас жемқорлыққа қарсы күрес
  • Жаңа Конституция
  • 📰 Газет архиві

Біз әлеуметтік желілерде:

💱 Валюта бағамы:

Басты бет / Мәдениет / Ұлттық өнердің өшпес өрнегі

Ұлттық өнердің өшпес өрнегі

Мәдениет Бүгін 21:36 28
Ұлттық өнердің өшпес өрнегі
ҚАЗТУҒАНОВА Айнұр

Бүгін Алматы қаласында Құрманғазы атындағы Қазақ ұлттық консерваториясының ұйымдастыруымен Қазақстанның Халық артисі, Қазақстан Республикасы Мемлекеттік сыйлығының лауреаты, «Парасат» орденінің кавалері, дәулескер домбырашы, көрнекті композитор, дирижер, ұлағатты ұстаз, профессор Қаршыға Ахмедияровтың туғанына 80 жыл толуына арналған «Қаршыға Ахмедияров: орындаушылық өнері, ғылыми-педагогикалық мұрасы және домбыра мектебінің дәстүрлері» атты халықаралық ғылыми-практикалық конференция өтті.

Алқалы жиынға Қазақстанмен қатар Қырғызстан, Өзбекстан, Ресей, Татарстан және Ұлыбританиядан келген белгілі өнертанушылар, ғалымдар, ұстаздар мен дәстүрлі музыка мамандары қатысты. Конференция барысында Қаршыға Ахмедияровтың күйшілік мұрасы, орындаушылық шеберлігі, композиторлық қолтаңбасы, ұстаздық қызметі және домбыра мектебін дамытудағы орны жан-жақты қарастырылды.

Осы жиын аясында М.О.Әуезов атындағы Әдебиет және өнер институтының бас директоры, филология ғылымдарының докторы, ҚР ҰҒА академигі К.С.Матыжановтың атынан Құрманғазы атындағы Қазақ ұлттық консерваториясының кітапхана қорына 12 түрлі кітап (жалпы 77 данасы) табысталды. Бұл игі бастама Мемлекет басшысы Қасым-Жомарт Тоқаев ұсынған, қоғамда кітап оқу мәдениетін қалыптастырып, оқырманның кітапқа деген қызығушылығын арттыруға бағытталған «Кітап оқитын ұлт» жобасын қолдау аясында жүзеге асырылды.

Құрманғазы атындағы Қазақ ұлттық консерваториясының ректоры Гаухар Қошқарбекқызы Тасбергенова: «Бұл ғылыми қазына – білім саласына қосылған құнды үлес әрі келешек ұрпаққа қалатын тағылымды мұра. Рухани маңызы зор басылымдар білім алушылар мен зерттеушілердің игілігіне қызмет етеді деп сенемін», – деп, институт ұжымына ризашылығын білдірді.

Қазақ тарихын күй тілімен сөйлетіп, жаңашыл күйшілік дәстүрдің негізін қалаған өнер тарланына арналған тағылымды жиын «Күй кемеңгері – Қаршыға» атты концертпен қорытындыланды. Кеш барысында Қаршыға Ахмедияровтың өлмес туындылары орындалып, көрнекті күйшінің жарқын бейнесі мен шығармашылық мұрасы домбыра үнімен қайта жаңғырды.

Ахмет Жұбанов дәуірінен бастау алған Әдебиет және өнер институты мен Құрманғазы атындағы Қазақ ұлттық консерваториясы арасындағы шығармашылық байланыс рухани әрі ғылыми ынтымақтастық негізінде сабақтасып келеді. Ұлттық өнер мен ғылымды тоғыстырған бұл серіктестік алдағы уақытта да жалғасын тауып, жаңа ізденістер мен игі бастамаларға жол ашсын!

Айнұр Қазтуғанова, М.О.Әуезов атындағы Әдебиет және өнер институтының «Музыкатану» бөлімінің меңгерушісі, өнертану ғылымдарының кандидаты, қауымдастырылған профессор

Телеграм арнаға жазылыңыз
#ұлттық өнер #Ғылым
Бөлісу:
Жүктелуде...

Соңғы жаңалықтар

Абай университетінде Поляк орталығы ашылды

Бүгін 21:31

Түркістан облысында әлеуметтік-инфрақұрылымдық нысандар жаңартылуда

Бүгін 20:30

Мемлекет басшысы Ұлттық қауіпсіздік комитетінің төрағасы Марат Ирменовті қабылдады

Бүгін 19:45

Алматыда блогерлерге арналған шеберлік сабағы өтті

Бүгін 19:43

Алматы тау кластері ең көп келушілерді қабылдаған курорттық бағыт атанды

Бүгін 19:02
Telegram
Жазылыңыз
AqshamNews.kz - "Алматы-ақшамы" қоғамдық-саяси газеті

"Alatau Aqparat" медиахолдингі

Сілтемелер

  • Біз туралы
  • Байланыс
  • Жарнама
  • Жазылу
  • Газет архиві

Байланыс

  • Республика Казахстан. 050022, г. Алматы, Адрес: ул. Шевченко, 106 а
  • +77272930803
Copyright 2026, "Alatau Aqparat" медиахолдингі
Яндекс.Метрика
// SMI24 виджет setTimeout(function() { if (typeof Smi24 !== 'undefined') { Smi24.init('[data-smi-widget-id="130"]'); } }, 1500);