Бүгін - аналар күні. Әлемнің 20-дан аса мемлекеті атаулы күнді мамырдың екінші жексенбісінде атап өтеді.
Бұл мереке биыл Қазақстанда алғаш рет тойланғалы отыр. Бүгінде елімізде ерекше бала тәрбиелеп отырған жігерлі аналар да жетерлік, деп хабарлайды Almaty-akshamy.kz.
Гүлсім Төлегенова 12 жылдан бері ерекше бала тәрбиелеп отырған ана. Ұлы Ғазиздің әр қадамын бақылауда ұстап, ем-домын тұрақты жасап келеді. Үмітін еш үзбеген қайсар ана баласының сауығып кететініне де сенімді.
Гүлсім Төлегенова, қала тұрғыны:
2011 жылға дейінгі өмірім басқа, одан кейінгі өмірім баланы дамыту. Бірақ жұмысымызды тастаған жоқпыз. Аптекамыз болды жұмыс істеп жатырмыз. Жолдамысыз екеуіміз график қойдық. Біз тютр, қызметші дегендерді жалдамадық. Оны алмадық. Себебі, баламызды өзіміз қарау керек болдық.
Бүгінде Ғазиздің жеткен жетістігі көп. Боччадан халықаралық жарыстарда топ жарып, үздіктердің қатарынан табылып жүр. Ал анасы мүмкіндігі шектеулі баланы тәрбиелеуді өзіне ерекше парыз санайды.
Гүлсім Төлегенова, қала тұрғыны:
Уақытты жоғалтпай, ерекше бала келді ме?! Оны қабылдап, барлық аналық махаббатыңды беріп тез тұрғызып жіберсең, реабилитацияға апарып барлық махаббатыңды төксең бала деген тез тұрып кетеді.
Ал Гүлнәр Юлдашева ана мен ерекше бала мейірімге мұқтаж дейді. Сондықтан елімізде инклюзивті қоғам орнатуды жетілдіру керектігін айтты.
Гүлнәр Юлдашева, қала тұрғыны:
Ең алғаш баламның диагнозын естігенде қиын болды. Бірақ баладан бас тарту деген ойыма да кіріп шықпапты. Қазір ондай ата-аналар көп. Сондықтан оларға жан-жағындағы адамдардың қолдауы ауадай қажет. Қаржылай емес. Бір ауыз жылы сөздің өзі ана мен бала арасында махаббатты күшейтеді. Мен соның арқасында ерекше баламды аяққа тұрғыздым.
Ерекше бала тәрбиелеп отырған аналар бүгінгі атаулы күннің мәртебесін әлі де нығайту керек деп есептейді. Сонда ғана әйел ана болудың маңыздылығын түсініп, қоғам оларды толық қорғауға алатынын айтты.