Испанияның Понтеверде қаласында өтіп жатқан күрес түрлерінен жастар арасындағы әлем чемпионатында бүгін кілемге Ризабек Айтмұқан шығады.
Іріктеу бәсекелері Қазақстан уақытымен 13:00-де басталады. Ризабектің алғашқы қарсыласы – ирандық Аболфазл Давуд Бабала. Өткен жылы чемпион болған. Биыл қорғауға келіп тұр.
Ризабек Айтмұқан былтыр 20 жасқа дейінгі жастар арасында өткен әлем чемпионатында күміс жүлдегер атанған болатын. Содан кейін арада бір ай өткенде ол ересектер арасында әлем чемпионатында топ жарды. Ол уақытта отандасымыз 92 келіде бақ сынаған еді. Бұл жолы Ризабек 97 келіде ел үмітін арқалап отыр.