Ұлттық банк жаңа ереже енгізбек: валюта бағамы көшеде көрсетілмейді
Қазір айырбастау пункттерінің сыртында доллар, еуро сияқты шетел валютасының бағамы жазылып тұрады, деп хабарлайды aqshamnews.kz.
Бұл ақпараттық тақтайшалар жол бойында, ғимараттардың қабырғасында, тіпті жол белгілерінің жанына дейін ілінеді. Алайда Ұлттық банктің мәлімдеуінше, мұндай белгілер кей жағдайларда жол қозғалысы қауіпсіздігіне кедергі келтіріп, жүргізушілердің жол жағдайын дұрыс бағалауына тосқауыл болады. Сол себепті жаңа ереже жобасында валюта бағамын тек айырбастау пунктінің ішінде ғана көрсету ұсынылып отыр. Яғни сыртта тұратын бағам тақтайшалары алынып тасталады.