«Ассамблея жастары» республикалық жастар қозғалысының мүшесі Болат Закиров Жаңа Конституцияның жобасын мұқият зерделеп, ұсынылып отырған өзгерістердің елді дамыта түсуге аса қажет екенін атап өтті, - деп хабарлайды aqshamnews.kz.
Оның айтуынша, реформалардың негізгі бағытының бірі — мемлекеттік басқару жүйесінде Парламент пен Құрылтай институтының рөлін күшейту.
«Жаңа Конституцияның жобасы билік тармағының ашықтығы мен тепе-теңдігін нығайтады. Парламент өкілетінің кеңеюі өкілдік деңгейін арттырып, заң шығаруды неғұрлым ашық етеді. Құрылтайды диалог алаңы ретінде институционализациялаудың маңызы ерекше, онда өңірлердің, сарапшылар мен азаматтық қоғамның пікірі ескерілген», - дейді Болат Закиров.
Ол аталған өзгерістердің мына бағытта болатынын атап өтті:
демократиялық тетіктерді нығайту, мемлекеттік органдардың қоғам алдындағы жауапкершілігін арттыру, азаматтардың стратегиялық шешімдер қабылдауға қатысуын кеңейту, негізгі бастамаларды жария түрде талқылау мәдениетін дамыту.
Болат Закировтың пікірінше, Парламент пен Құрылтайдың рөлін күшейту қоғамдық бақылаудың қосымша тетіктерін қалыптастырып, неғұрлым теңгерімді саяси жүйенің құрылуына ықпал етеді.
«Жаңа Конституция — мемлекеттілікті, әділеттілікті, билік пен қоғам арасындағы ашық диалогты нығайтуға жасалған қадам», — деп түйіндеді ол.