Қазақстандағы мүгедектігі бар 737,4 мың адамның 376,7 мыңы еңбекке қабілетті жаста.
4 айда мүгедектігі бар 14,9 мыңнан астам адам жұмыспен қамтылды, деп хабарлайды aqshamnews.kz еңбек және халықты әлеуметтік қорғау министрлігіне сілтеме жасап.
Жалпы Қазақстанда мүгедектігі бар 737,4 мың адам тұрады, оның 376,7 мыңы еңбекке қабілетті жаста.
Биыл жұмыспен қамтылғандар:
тұрақты жұмыспен 874 адам;
әлеуметтік жұмыспен 191 адам;
жастар практикасымен 80 адам;
қоғамдық жұмыстармен 3248 адам;
"Алғашқы жұмыс орны" жобасы бойынша 4 адам
"Күміс жас" жобасы бойынша 333 адам жұмысқа орналастырылды.
Мүгедектігі бар 1,3 мың адам "Бастау Бизнес" жобасы бойынша кәсіпкерлік білім алды.
"Халықтың әлеуметтік осал топтары қатарындағы азаматтарға өз бизнесін ашу үшін 400 АЕК мөлшерінде мемлекеттік гранттар беріледі", - дейді ведомство.
Бүгінде ерекше қажеттіліктері бар 108,9 мың адам жұмыспен қамтылған.