Энергетика министрлігі бензин мен дизельдің жаңа бағасын белгілемек
«Ашық НҚА» порталында энергетика министрлігі шығарған бұйрықтың жобасы жарияланды. Жоба 28 ақпанға дейін қоғамдық талқылаудан өтеді, деп хабарлайды аlmaty-akshamy.kz.
«Бағаларына мемлекеттік реттеу белгіленген стационарлық авто жанар-жағар май құю станциялары үшін бөлшек саудада өткізілетін мұнай өнімдеріне шекті бағаларды белгілеу туралы» Қазақстан Республикасы Энергетика министрінің 2015 жылғы 19 мамырдағы № 361 бұйрығына (Нормативтік құқықтық актілерді мемлекеттік тіркеу тізілімінде № 11165 болып тіркелген) мынадай өзгеріс енгізілсін», - делінген бұйрық мәтінінде.
Аи-80 бензині – 1 литріне 89 теңге;
Аи-92 және Аи-93 бензині – 1 литріне 205 теңге;
дизель отыны (жазғы, маусымаралық) –1 литріне 295 теңге.
«Бұйрық жарияланғаннан кейін күнтізбелік он күн өткен соң қолданысқа енгізіледі», - делінген хабарламада.
Естеріңізге сала кетейік, қазір жазғы дизель отынының шекті бағасы шетелдіктер үшін 450 теңге, отандастарымызға – 295 теңге.