Алматы қаласы әкімінің орынбасары Бейбіт Шаханов барша тұрғынды Наурыз мерекесімен құттықтай отырып, «Almaty clean & green» экоакциясы аясында қаланы тазарту жұмыстарының қарқынды жүріп жатқанын жеткізді. Президенттің бастамасымен қолға алынған бұл шара қала тұрғындарының кең қолдауына ие болғанын атап өтті.
«Сенбілік барысында қала тұрғындары мен өнер қайраткерлерімен қатар, балаларға дейін Алматының экологиялық ахуалын жақсартуға үлес қосты. Бұл қоршаған ортаға деген қамқорлық, қажеттілік», - деді қала әкімінің орынбасары Шаханов.