Қазақстанда авиакеросин бағасы кезең-кезеңімен төмендетіліп жатыр, деп хабарлайды aqshamnews.kz
Билік бұл шара әуе тасымалының құнын азайтуға мүмкіндік береді деп отыр. Бұған дейін ұшақ отынының бағасы 1200–1300 доллар деңгейінде болған. Қазіргі таңда Энергетика министрлігі оны 940 долларға дейін түсірді. Алдағы уақытта тағы шамамен 100 долларға арзандату жоспарланып отыр.
Көлік министрі Нұрлан Сауранбаевтың айтуынша, отын бағасының төмендеуі әуе билеттерінің құнына және жүк тасымалы тарифтеріне тікелей әсер етеді. Соның нәтижесінде ішкі және халықаралық рейстер бойынша билеттердің арзандауы мүмкін.