8 тамызда Астана қаласында орын алған қатты бұршақ салдарынан автокөлік иелеріне келтірілген жалпы материалдық шығын 4,5 миллиард теңгеден асып кетуі мүмкін. «Евразия» сақтандыру компаниясының мамандары осындай есеп жүргізді. Сонымен қатар, зардап шеккен автокөліктер саны да 8 мыңға жетті, деп хабарлайды aqshamnews.kz.
Жаңартылған мәліметтерге сәйкес, бұршақтан зардап шеккен көліктердің саны бастапқыда 5 мың болса, кейіннен 8 мыңға жеткен. Оның ішінде, тек 10% немесе 800 көлік КАСКО ерікті автосақтандыруымен сақтандырылған. Демек, бұл компания бұршақ салдарынан келген шығындарды да өтейді.
«Өткен аптаның басында КАСКО шарттары бойынша сақтандырылған автокөлік иелерінің өтініштері күрт өсті. Көлікті несиеге сатып алған көптеген жүргізушілер өздерінің сақтандырулары бұршақтан келген шығындарды өтейтінін білмеген», – деп түсіндірді «Евразия» сақтандыру компаниясының баспасөз қызметі.
Сақтандырылған көліктерге келтірілген орташа шығын шамамен 1 миллион теңгені құрайды.