Ақпан айынан бастап Қорғаныс министрлігіне қарасты әскери оқу орындарына түсу үшін өтінішті онлайн беруге болады, деп хабарлайды aqshamnews.kz
Ол үшін талапкерлер eGov.kz порталына кіріп, «Әскери қызмет» бөлімін таңдауы қажет.
Жүйе талапкердің денсаулық жағдайы, жеке деректері, білімі және ҰБТ нәтижелерін автоматты түрде тексереді. Бұған дейін барлық құжаттар жергілікті әскери басқару органдары арқылы қабылданатын.
Құжат тапсыру мүмкіндігі 18–24 жас аралығындағы ер азаматтарға қолжетімді. Өтініштер 10 маусымға дейін қабылданады.
Оқуды тәмамдағаннан кейін институт түлектеріне — лейтенант, ал колледж бітіргендерге — сержант әскери шені беріледі.