Ресейлік ғалым әлеуметтік желіні шамадан тыс қолдану адам денсаулығына кері әсер етуі мүмкін екенін айтты, - деп хабарлайды Aqshamnews.kz тілшісі.
Оның пікірінше, ересектер күніне 20–40 минуттан артық уақытын әлеуметтік желіге жұмсамауға тиіс. Ал балалар үшін бұл көрсеткіш 30 минуттан аспағаны жөн.
Ресей ғылым академиясына қарасты Н.П. Бехтерева атындағы Адам миы институтының маманы Михаил Дидур ақпараттық гигиенаның маңыздылығын ерекше атап өтті. Ғалымның айтуынша, адамдар бос уақытын телефон қарап өткізуге дағдыланбауы керек.
- Әлеуметтік желіге күніне 20–40 минут жеткілікті. Балаларға тіпті жарты сағат та жеткілікті деп санаймын, - деді ол.
Сондай-ақ, маман балалар мен жасөспірімдердің ақпаратты дұрыс қабылдау мәдениетін қалыптастыру үшін арнайы әлеуметтік медиа қолдану ережелерін әзірлеу қажет екенін жеткізді.