«Ана үйі» аналардың 1,5 жасқа дейінгі балалардан бас тартуына жол бермейді
Алматы Өңірлік коммуникациялар қызметінің алаңында «Ана үйі» («Дом мамы») қоғамдық қоры өкілдерінің қатысуымен баспасөз конференциясы өтті. Жобаның арқасында елімізде әлеуметтік жетімдіктің алдын алады және балалар үйлерін азайтады.
«Ана үйі» қоғамдық қорының атқарушы директоры Ажарқұл Қылышбаева олардың ұйымы 9 жылдан бері жұмыс істеп келе жатқанын хабарлады.
«Біз үш негізгі бағыт бойынша жұмыс жүргізіп жатырмыз: әлеуметтік жетімдіктің алдын алу, балаларды отбасына орналастыру және балалар интернат мекемелерін трансформациялау. «Ана үйінің» дағдарыс орталықтары бүгінде еліміз бойынша 21 өңірде ашылған. Оларға кіре отырып, әйелдер қорғалады, осылайша аналардың 1,5 жасқа дейінгі балалардан бас тартуына жол берілмейді», - деді А.Қылышбаева.
Аналар үйлерінің жұмысы кезінде 5 934 әйел дер кезінде қордан атаулы әлеуметтік көмек алды, олардың балалары балалар үйлеріне түспей, отбасыларында қалды.
Аналар үйінің жұмысы балалар интернаттық мекемелеріндегі балалар санын – 2013 жылғы 10 мыңнан 2016 жылы 7 мыңға дейін қысқартуға мүмкіндік берді. Алайда бұл Қазақстандағы жетімдік мәселесін шешу үшін жеткіліксіз болды.
Бұдан өзге, 2016 жылы тағы бір бағыт – бала асырап алу жөніндегі агенттік іске қосылды, оның миссиясы – кәсіптік даярлау, бала асырап алған отбасыларға бағдар беру және қазақстандық қоғамда бала асырап алу мәдениетін дамыту.
Бүгінде Агенттік жұмысының нәтижелері - бұл 14,5 мың кеңес берілген азаматтар және отбасын тапқан 1660 бала.