Алматыда жөндеу жұмыстарына байланысты Жамақаев көшесінің бір бөлігі уақытша жабылады, – деп хабарлайды aqshamnews.kz тілшісі.
Жамақаев көшесінің бір бөлігінде орташа жөндеу жұмыстарының жүргізілуіне байланысты көлік қозғалысына уақытша шектеу енгізіледі.
Осыған байланысты 16 мамыр сағат 06:00-ден 17 мамыр сағат 18:00-ге дейін Әзірбаев көшесінен әл-Фараби даңғылына дейінгі аралықта қозғалыс толық жабылады.
Жөндеу жүргізілетін учаскеде ескерту белгілері мен мердігер ұйым басшысының байланыс ақпараты көрсетілген тақта орнатылады. Тұрғындардан бағытын алдын ала жоспарлауды сұраймыз.
Еске саламыз, қозғалысқа енгізілетін барлық шектеу туралы ақпарат @AlmatyJoly Telegram-арнасында, әкімдіктің әлеуметтік желілерінде, сондай-ақ 2GIS және «Яндекс карталар» қосымшаларында жарияланады.
