Киіз басу өнері мен көшпелі халықтардың мәдени мұрасы таныстырылды, деп хабарлайды aqshamnews.kz тілшісі.
Almaty Museum of Arts музейінде «Дала мұрағаты: Nemez, Kiiz, Namad» атты мәдени іс-шара өтіп, киіз басу өнері мен көшпелі халықтардың мәдени мұрасы таныстырылды.
Кездесуге Венгрияның Алматы қаласындағы Бас консулы Саболч Карой Сёке, венгриялық киіз басу шебері Карой Мартон-Сёньеги және қазақтың тоқыма өнерін зерттеуші, суретші Ажар Алтынсақа қатысты.
Қатысушылар киіз өнерінің тарихи ерекшеліктерін талқылап, Қазақстан мен Венгрияның қолөнер дәстүрлерімен тәжірибе алмасты.
Осындай бастамалар дәстүрлі өнердің заманауи креативті индустриямен сабақтастығын нығайтып, ұлттық мұраны жаңа қырынан танытуға мүмкіндік береді.