Жол жөндеу жұмыстары
Алматы қалалық мобильділік басқармасының мәліметінше, 2021 жылдың 2,3 және 4 қыркүйекте Төле би көшесінде Б. Момышұлы көшесінен Яссауи көшесіне дейін көлік қозғалысы шектеледі, деп хабарлайды Almaty-akshamy.kz.
«Жол жөндеу жұмыстары түнгі уақытта жүргізіледі. Төле би көшесі түнгі сағат 23:00-ден таңғы сағат 08:00-ге дейін ішінара жабылады. Келтірілген қолайсыздықтар үшін алматылықтардан кешірім сұраймыз», - деп хабарлады басқармадан. Сонымен қатар, жүргізушілерге жол жүру бағытын алдын ала жоспарлауға кеңес берді.
