Алматы қаласы Әуезов ауданы Өтеген батыр көшесі бойында орналасқан қоймада өрт шықты. Қазіргі уақытта өрт сөндірушілер тілсіз жауды ауыздықтау үшін жедел әрекет етуде. Бұл туралы Aqshamnews.kz сайты хабарлайды.
Өртті сөндіру жұмыстары қалай жүріп жатыр?
Оқиға орнына жеткен өрт сөндірушілер жоғары өрт жүктемесі мен қатты түтіннің сөндіру жұмыстарын қиындатып жатқанын хабарлады. Өрт сөндіру штабы құрылып, жалынмен күреске бірнеше бөлімше жұмылдырылды.
Өртті сөндіру үшін үздіксіз сумен қамтамасыз ету ұйымдастырылған.
Зардап шеккендер туралы ақпарат жоқ. Қазіргі мәлімет бойынша, 112 қызметіне зардап шеккендер туралы хабарлама түспеген.
Өрттің шығу себебі анықталуда. Төтенше жағдайлар қызметі тұрғындарды қауіпсіздік шараларын сақтауға және өрт болған аймақтан аулақ болуға шақырады.