Алматы қаласы Жұмыспен қамту және әлеуметтік бағдарламалар басқармасына қарасты "Парасат" әлеуметтік қызмет орталығының жаңа ғимаратты салтанатты түрде ашылды. Жаңа ғимараттың ауданы - ауданы 1751,6 шаршы метр.
Орталық мүгедектігі бар, психоневрологиялық аурулары бар және тірек-қимыл аппараты бұзылған балалар мен ересектерге әлеуметтік қызмет көрсетеді. Орталық бір уақытта 60-70 адамды қабылдай алады.
Жаңа ғимаратта қызмет алушылар үшін арнайы кабинеттер ашылған. Олар: балшықпен жұмыс арқылы оңалту үшін шығармашылық шеберлік кабинеті, атпен жүру арқылы оңалту үшін иппотерапия тренажері орнатылған кабинет, компьютерлік сауаттылық қызметтерін алушылар мен балаларды оқытуға арналған компьютерлік сынып және қызмет алушыларға күтім жасау үшін шаштараз бөлмесі және т.б.
- Әуезов ауданы “Жетісу” шағын ауданында “Парасат” орталығы ашылды. Бұл ғимарат күрделі жөндеуден өтіп, заманауи талаптарға сай құрал-жабдықпен жабдықталды. Мұнда арнайы қызметті қажет ететін балаларға қызмет көрсетіледі. Жалпы біздің басқарманың қарамағында осындай 14 орталық бар, олар қаланың әр ауданында шоғырланған. Біз мұндай орталықтардың қолжетімділігін арттырып, инфрақұрылым жаңарту бойынша жұмыстарды жалғастырамыз, - деді Алматы қаласы Жұмыспен қамту және әлеуметтік бағдарламалар басқармасының басшысы Бауыржан Жаубасов.
