24-27 шілде күні аралығында Алматыда Дін істері басқармасының "Дін саласындағы мәселелерді зерттеу орталығы" КММ-сі ұйымдастыруымен ақпараттық-түсіндіру жұмыстары жүргізілді.
Бүл жұмысқа 200 адам қамтылды.
Оның ішінде:
- Өзін-өзі жұмыспен қамтығандар арасында 5 шара;
- Қандастар арасында 1 шара;
- Әйел-қыздар арасында 1 шара;
- Жұмыссыздар арасында 1 шара.
Дәріскерлер тарапынан тыңдаушыларға қоғамдық орындарда бет-әлпетті жабатын киім киюге ресми тыйым салуға қатысты Заңнамадағы өзгерістерді түсіндіру, мемлекеттің зайырлы құрылымының құндылықтары түсіндіріліп, ақпараттық таратпа материалдар таратылды.
Алматыда өзге дін жетегінде кеткендермен жұмыс қалай жүргізіледі?
Қазақстан Республикасын Конституциясының 2 бабына сәйкес әркімнің ар-ождан бостандығына құқығы бар. Осыған байланысты, азаматтардың кез келген дінді ұстануға немесе ұстанбауға құқығы бар екендігін атап өткен жөн.
Бұдан бөлек, экстремистік діни ағымдардан зардап шеккен азаматтарға көмек көрсету мақсатында 2017 жылдан бері Басқарма жанындағы «Кеңес беру және оңалту орталығы» өз қызметін жүргізіп келеді. Аталған орталық теолог және психолог мамандардың қатысуымен экстремистік сипаттағы діни ағымдардың радикалды, сондай-ақ жалған идеологияларының ықпалына ұшыраған адамдар үшін кеңес беру, алдын алу және оңалту қызметтерін көрсетумен айналысады.
Бұл бағыттағы жұмыс ағымдағы жылы да жүйелі және жоспарлы негізде жалғасуда. Сонымен қатар, орталықта ерлер мен әйелдерге арналған сенім телефоны бар екендігін атап өткен жөн (ерлерге арналған сенім телефоны: +77011207570, әйелдерге арналған сенім телефоны: +77011200503).