Алматыда жұмыссыздық деңгейі төмендеген.
Халықты жұмыспен қамту мәселесі маңызды мәселелердің бірі болып қала береді. Бұл туралы Өңірлік коммуникациялар қызметінің брифингінде Алматы қаласы Жұмыспен қамту және әлеуметтік бағдарламалар басқармасының басшысы Бауыржан Жаубасов мәлімдеді, деп хабарлайды aqshamnews.kz
«Ағымдағы жылдың 7 айында жұмыс іздеп жүрген 43,5 мың қала тұрғыны Еңбек мобильділігі орталығына жүгінді, оның ішінде 33 мың адам жұмыссыз мәртебесін алды. Жалпы, осы кезеңде 31 мың адам жұмыспен қамтудың белсенді шараларына тартылды (16 млрд.теңге бөлінді), оның ішінде тұрақты жұмысқа 4,4 мың адам, субсидияланатын жұмыс орындарына 9,8 мың адам жұмысқа орналастырылды», - деді Бауыржан Жаубасов.
Еnbek.kz платформасында «Бастау Бизнес» жобасы бойынша және дағдыларға оқытудан 2 мың адам өтті.
Ісін жаңа бастаған 177 кәсіпкер 1,5 млн.теңгеден мемлекеттік гранттар алды, олардың негізгі үлесін немесе 68%-н (120 адам) көпбалалы отбасылар құрайды, сондай-ақ 46 адам мүгедек адамдар және мүгедек балаларды тәрбиелеп отырған отбасылар.
ӨКҚ спикері атап өткендей, қысқа мерзімді оқытуға жолдама беру маусым айынан басталды, бүгінгі күні 358 жұмыссыз оқиды (жоспар 950 адам). Оқыту кейіннен жұмысқа орналасумен жүргізіледі.
«Оқу орталықтары (17 кәсіп бойынша 25 оқу орталығы) білім алушылардың кемінде 60% -н жұмысқа орналастыруға міндетті. Сондай-ақ жұмыс берушілер базасында (26 кәсіп бойынша 15 жұмыс беруші) жұмыссыздарды кейіннен кәсіпорында жұмысқа орналастырумен оқытудан өтеді», - деп нақытылады ол.
14,5 мың оқушы, студенттер мен жұмыссыздар арасында кәсіптік бағдар өткізілді.
«Ағымдағы жылы іске асырылып жатқан тұжырымдамалар мен кәсіпкерлік субъектілері шеңберінде 36 628 жұмыс орны құрылды (87 025 жоспарының 42%), оның ішінде 26 573 тұрақты жұмыс орны (68 296 жоспарының 39%), 10 055 уақытша жұмыс орындары (18 729 жоспардың 53,7%.)», - деп атап өтті Б.Жаубасов.
Осылайша, халықты жұмыспен қамту бойынша мемлекет іске асыратын барлық шаралар қалада жұмыссыздық деңгейін 1 тоқсанда 5% - дан 4,7% - ға дейін төмендетуге мүмкіндік берді, бұл республика бойынша көрсеткішпен бірдей деңгейде.
Алматыда зейнеткерлерді жұмысқа орналастыру бағдарламасы да іске қосылған.
«Бұрында айтқанымдай, біз зейнеткерлік жастағы адамдарды жұмыспен қамтуға тарту бойынша тең жағдайлар жасау, олардың белсенді физикалық және эмоционалдық жағдайын қолдау, тәлімгерлік институтының ұжымдарында дамыту мақсатында жұмысқа орналастыру бойынша Жұмыспен қамтудың жаңа бағдарламасын енгіздік. Еңбекке ақы төлеу екі көзден жүргізіледі: қала бюджеті қаражаты есебінен 85 мың теңгеден аспайтын субсидиялау, сондай-ақ жұмыс берушінің есебінен белгіленген жалақы мөлшерінің кемінде 50% мөлшерінде. Бүгінгі таңда 200-ге жақын зейнеткер жұмысқа орналастырылды, жылдық жоспары 500 адам», - деп толықтырды Бауыржан Жаубасов.
Бұл бағдарлама 1,5 мыңға дейін зейнеткерді қамти отырып 2024-2026 жылдарға арналған.