Павлодар қаласынан гострольдік сапармен келген «Самал» Қоғамдық Қауымдастық Реабилитация Орталығына қарасты «Триумф» инклюзивті экологиялық-бейбітшілікке бағытталған әуесқой театры Алматы қаласында экологиялық-бейбітшілік тақырыбында «SOS Жер» қойылымын өткізді.
Іс-шараның басты мақсаты – қоршаған ортаны қорғау мен бейбітшілікті насихаттау арқылы қоғамның әлеуметтік жауапкершілігін арттыру, сондай-ақ мүмкіндігі шектеулі жандардың шығармашылық әлеуетін дамыту және инклюзия мәдениетін кеңінен тарату болды.
Іс-шараға "Ауыл" партиясының Алматы қалалық филиалы да белсене қатысып, инклюзивті театр ұжымының бастамасын қолдап, өнерпаздарға естелік сыйлықтар табыстады.
"Самал" орталығының жетекшісі Зинаида Дмитриевна Багненко қойылымның өтуіне атсалысқаны үшін «Ауыл» партиясы Алматы қаласы филиалына алғысын білдірді.