Фермерлерден табиғи өнімді тікелей алуға болады
8-9 қазанда қалада ауыл шаруашылығы өндірушілерінің кеңейтілген жәрмеңкесі өтеді. Мұнда Қонаев қаласынан және Алматы облысының 9 ауданының фермерлерінен жаңа піскен өнімдер мен тауарлар сатып алуға болады.
Тұтынушыға ет-сүт, жеміс-көкөніс, шұжық өнімдері, ұн, жарма, өсімдік және жануарлар майы ұсынылды. 50-ден астам түрлі тауар, көкөніс пен жемісті қала тұрғындары тікелей өндірушіден сатып ала алады. Өнімнің жалпы көлемі 320 тонна.
Жәрмеңке осы демалыс күндері сағат 8.00-ден 17.00-ге дейін Қонаев көшесінен Пушкин көшесіне дейінгі аралықта ("Ғылым ордасы" РМК Археология мұражайына қарама-қарсы) өтеді.