Олардың заңсыз жүргендері «Учаске» іс-шарасы барысында анықталды.
Көші-қон қызметі хабарлағандай, шетелдік азаматтар Қазақстан Республикасының халықтың көші-қоны саласындағы заңнамасын бұзған, деп хабарлайды Almaty-akshamy.kz Polisia.kz-ке сілтеме жасап.
«Бір аптаның ішінде 216 шетелдік әкімшілік жауапкершілікке тартылды, оның ішінде 38 алыс шетел азаматтары (Африка құрлығы елдерінен – 17 және Түркия – 11), сондай-ақ 178 көршілес елдердің азаматы. Сонымен қатар 105 шетел азаматының жеке басын куәландыратын құжаты болмай, қабылдап-таратуға орналастырылды. Өзбекстаннан – 66, Тәжікстаннан – 25 және Нигериядан – 8. Сот шешімімен Қазақстаннан 40 шетелдік шығарылды, оның 22-сі Өзбекстан азаматы, 11-і Нигерия азаматы», деді, Алматы қалалық ПД көші-қон қызметі басқармасының бастығы Асхат Бутунчинов.
Сондай-ақ Қазақстан Республикасының көші-қон заңнамасын өрескел бұзып, шетел азаматтарын қабылдаған 54 жеке және заңды тұлға әкімшілік жауапкершілікке тартылды.