Соңғы кездері өрісте жүрген малдарды сойып әкету оқиғалары жиілеген.
Мал ұрлығы санатындағы қылмыстардың алдын алу, болдырмау мақсатында Алматы облысы Көксу ауданының полицейлерімен нәтижелі жұмыстар жасалуда, деп хабарлайды Almaty-akshamy.kz Polisia.kz-ке сілтеме жасап.
"Соңғы кездері мал ұрлығы қылмыстарының көпшілігі өрісте жүрген малдарды сойып алып кету деректері орын алуда. Жүргізілген талдауға сүйенсек, мал ұрлығын жасауға бірқатар себептердің ықпал ететіні анықталды. Біріншіден, бұл малдың өз басымен жайылуы, меншік иелерінің өрістегі малдың сақталуына немқұрайлы қарауы. Малшылармен келісім – шарттық қатынастардың болмауы “еркін жайылу” практикасын қалыптастырады және малдың кедергісіз ұрлануына немесе жоғалуына ықпал етеді. Проблемаларды зерделеу ұрлықтың басым бөлігі малдың қараусыз жайылатын жерлерден кешкі уақытта ұрланатынын көрсетті. Малды ұстау орындары көп жағдайда жабу құралдарымен жабдықталмаған, бұл қылмыскерлерге мал қорасына кедергісіз енуіне мүмкіндік береді және бұл мал иелерінің оларды таңбалау мен сырғалау уақтылы жүргізілмегендіктен, ұрланған малды тануға қиындық туғызады", – деді Көксу АПБ бастығы Даурен Сакенов.
Мал ұрлығы кешкі уақыттарда еркін жайылымдарда ұрланады, сонымен қатар мал иелеріне өз шаруашылықтарын қоршалған қоралармен жабдықтау қажет. Малдарға міндетті түрде таңба салу қажет, бұл ұрланған малды іздеу бойынша жұмысты жеңілдетеді. Мал жоғалған жағдайда жауапкершілік туралы бақташылармен келісім жасасу. Шаруа қожалығы иелерінің үйірдің жетекшілеріне GPS сигнализаторларын алуы құпталады, ол еркін жайылымда жүрген табынның тұрған жерін анықтауға мүмкіндік береді. Айта кетерлік жайт, мал ұрлығының алдын алуда полицейлермен тұрақты негізде жедел-профилактикалық шаралар өткізіледі.
