Елімізге шетелден алма әкелуге тыйым салынған.
Премьер-Министрдің орынбасары Серік Жұманғарин Қазақстанға алма әкелуге тыйым салыну аясында, өнім бағасының қымбаттау мүмкіншілігі қаншалықты екенін айтты, деп хабарлайды aqshamnews.kz
Ол Қазақстан ағымдағы жылдың 31 желтоқсанына дейін үшінші елдерден алма әкелуге тыйым салғанын еске салды.
"Біз бірнеше жыл бойы алма импортын алмастыру бағдарламасын жүргізіп келеміз. Биыл біз 300 мың тонна өнім күтіп отырмыз — осылайша ішкі нарықты толығымен қамтамасыз етеміз. Фермерлер бұл үшін көп күш жұмсады",-деп түсіндірді Серік Жұманғарин.
Оның айтуынша, Қазақстанда бұл өнім бағасының күрт өсуі күтілмейді.
"Біз өндірушілермен келісім жасадық — егер алма бағасы көтеріле бастаса, біз тыйым салуды алып тастаймыз. Бұл қолдаудың шарты",-деп атап өтті Серік Жұманғарин.