Нью-Дели қаласында бокстан әйелдер арасында әлем чемпионаты өтіп жатыр.
Үндістанның Нью-Дели қаласында бокстан әйелдер арасында өтіп жатқан әлем чемпионатында бүгін бес қазақстандық спортшы бақ сынайды, деп хабарлайды Аlmaty-akshamy.kz.
Астана уақытымен сағат 14.30-да басталатын күндізгі сессияда үш қазақстандық боксшы өнер көрсетеді.
Алуа Балқыбекова 48 келіге дейінгі салмақта ресейлік Юлия Чумгалаковамен шеберлік байқасады.
Карина Ибрагимова (57 кг) әзірбайжандық Махсати Хамзаевамен, Аида Әбікеева (63 кг) қытайлық Ченьгю Янмен сынға түседі.
Сағат 18.30-да басталатын кешкі сессияда Римма Волосенко (60 кг) сербиялық Наталья Садринамен, Надежда Рябец доминикандық Мария Моронта Эрнандеспен рингке шығады.
Әлем біріншілігі «Qazsport» телеарнасынан тікелей эфирде көрсетіледі.