Қазақстанда 12-14 қараша күндері ауа райы күрт суытып, еліміздің көп бөлігінде құбылмалы болады, деп хабарлайды aqshamnews.kz.
Қазгидромет мәліметінше, алдағы үш күнде еліміздің оңтүстік-батысы, оңтүстігі және оңтүстік-шығысында қар аралас жаңбыр жауады. Ал солтүстік, шығыс және орталық аймақтарда боран соғып, көктайғақ болады, желдің күшеюі күтілуде. 12 қарашада Шығыс Қазақстан облысында, 12-13 қарашада еліміздің оңтүстік-шығысында қалың қар жауады, 13 қарашада елдің оңтүстігінде жаңбыр мен қар аралас жаууы ықтимал. Тек батыс облыстарында, сондай-ақ 14 қарашада оңтүстікте күн ашық болады.
Температураның өзгеруі:
- Батыс облыстарда ауа температурасы түнде 0-ден -11°C аралығында болады.
- Солтүстік-батыс, солтүстік және орталық өңірлерде түнде -8-18°C, кей жерлерде -3-15°C дейін суытады, күндіз температура -5-12°C аралығында болмақ.
- Шығыс Қазақстанда 13 қарашада түнде ауа температурасы -10-25°C-ке дейін күрт төмендейді, күндіз 5-16°C суық болады.
- 14 қарашада шығыста түнде температура 7-20°C аязға дейін, күндіз 2-13°C суық болады.
- Оңтүстікте ауа температурасы біртіндеп төмендеп, түнде +6-6°C, күндіз +3-5°C арасында болады.
Алдағы күндерде ауа райына байланысты жолдарда көктайғақ болуы мүмкін, сондықтан жүргізушілер мен жаяу жүргіншілерге сақ болу ұсынылады.